Yer üzündə yüzlərlə cins hörümçək yaşayır. Bu kiçik heyvanlar bəzən yuvasının statik hesablarını edə bilən inşaat mühəndisi, bəzən üstün dizaynlar edən bir memar, bəzən fövqəladə güclü və elastik iplər, öldürücü zəhərlər, əridici turşular çıxaran bir kimyagər, bəzən də son dərəcə hiyləgər taktikalarla ov ovlayan bir ovçu olaraq qarşımıza çıxarlar.
Təbiətdəki bütün canlılar kimi hörümçəklərin davranışlarını, məsələn ovlama üsullarını, artım şəkillərini, müdafiə etmə taktikalarını araşdırıb, ətraflı məlumatlar əldə etdikcə heyrətə gəlirik.
Bütün canlılar həyatlarını davam etdirə bilmək üçün ağıl tələb edəcək davranışlar nümayiş etdirirlər. Qabiliyyət, bacarıq, üstün manevr qabiliyyəti kimi adlandırıla biləcək bu davranışların ortaq xüsusiyyəti isə hər birinin mütləq surətdə ağıl tələb edən davranışlar olmalarıdır. Bir insanın ancaq öyrənmə, bacarıq və təcrübə kimi xüsusiyyətlərlə qazanacağı qabiliyyətlər, bu canlılarda ilk doğulduqları andan etibarən vardır. Bu xüsusiyyətlərin hamısını onlara verən, onları ağıllı davranacaqları, şüurlu hərəkət edəcəkləri şəkildə yaradan güc Allahdır. Allah bütün təbiətdəki canlılarda saysız nümunəsini gördüyümüz ağılın tək sahibidir. Canlılara nələr etmələri lazım olduğunu ilham edən Allahdır.
Bir çox insan hörümçəkləri yalnız, ovlamaq üçün tor quran heyvanlar olaraq tanıyır. Bu əskik bir məlumatdır, çünki bir memarlıq və mühəndislik möcüzəsi olan bu torlar, hörümçəklərin ovlamaq üçün istifadə etdikləri tək üsul deyil. Hörümçəklər, tor hörməklə yanaşı ovlamaq üçün çox heyrətləndirici taktikalardan istifadə edirlər.
Kəmənd ataraq ovlayan hörümçək
Hörümçək növləri içində ən maraqlı ovlama üsullarından birinə "Bolas" hörümçəklərində rast gəlmək olar. Bolas hörümçəkləri ovunu kəməndlə tutur.
Bolas hörümçəyinin ovlaması iki mərhələdən ibarətdir. İlk mərhələdə hörümçək, ucunda yapışqan olan bir ip hazırlayıb pusquda durur. Bu yapışqan ipdən daha sonra bir kəmənd kimi istifadə edəcək. Bu vaxt hörümçək, ovunu özünə çəkmək üçün çox xüsusi bir kimyəvi maddə ifraz edir. Bu maddə güvələri cəlb edən qoxuya bənzəyir. Hörümçəklərin görmə duyğusu çox zəifdir, ancaq güvənin uçarkən çıxardığı titrəşmələri hiss edə bilir. Bununla da hörümçək, ovunun özünə doğru yaxınlaşdığını hiss edir. Burada diqqət çəkən, Bolas hörümçəyinin demək olar ki kor olduğu halda havada asılı dayanaraq özünün hazırladığı bir kəmənd ilə, uçan bir canlını tuta bilməsidir.
Gardner Soulun "Strange Things Animals Do" adlı kitabında Bolas hörümçəyinin ovlama şəkli, bir kovboyun kəmənd istifadə etməsinə bənzədilməkdədir. "Hörümçək ipək kimi bir kəmər hörür və bunun sonuna bir ağırlıq qoyur. Beləcə silahı bir kovboyun kəməndini xatırlatmaqdadır. Daha sonra bu kəməndi öndəki iki cüt ayağına götürür və bu öndəki iki ayaq qol vəzifəsini görür. Bir güvə uçduğunda kəməndini atır. Yapışqanlı ağır cismi havada uçaraq tam böcəyin bədəninin üzərinə toxundurur və yapışqan maddə böcəyin üstünə yapışır, güvə içəri çəkilir və Bolas hörümcəyi onu yuxarı doğru bürüyür..."
Qoxuya aldanan qurbanın yaxınlaşmasıyla birlikdə ovdakı ikinci mərhələ başlayır. Hörümçək ayağını geriyə çəkərək hücum mövqeyinə keçir və birdən insan gözünün qəbul edə bilməyəcəyi bir sürətlə kəməndini atır. Güvə ipin ucundakı yapışqan topa yapışır. Hörümçək ovunu yuxarı çəkir və dişləyərək dərhal onu iflic edir. Ardından ifraz etdiyi xüsusi bir ipəklə güvəni bürüyər. Bu ipəyin xüsusiyyəti qidanı uzun müddət təzə saxlaya bilməsidir. Beləcə hörümçək ovunu, daha sonra yemək üçün təzə bir şəkildə saxlayır. Necə ola bilər ki Bolas hörümçəyi bu qədər ağıl tələb edən bir plan çərçivəsində hərəkət etsin?
Bu vəziyyət çox xüsusi bir yaradılışın olduğunu bizə dəlillərlə sübut edir. Allah, bütün canlıları, bitkiləri, heyvanları, böcəkləri yaradandır. Allah üstün qüdrət, elm, ağıl və hikmət sahibidir. Allah Quranda belə buyurmaqdadır:
"Göylərin, yerin və ikisi arasında olanların Rəbbidir, üstün və güclü olan, bağışlayandır." (Sad Surəsi, 66)
"Həqiqətən heyvanlarda da sizin üçün bir dərs (ibrət) vardır"
Mu'minun Surəsi,
Tərcümə etdi: Aydın

Şərh əlavə et

Adın (mütləq)

E-mail (mütləqdir, ancaq göstərilməyəcək)

Yeni sərhlər barədə mənə xəbər etmək

Yeniləmək

Göndər

Cancel