Gündəlik "Mənim dinim" dərsləri  

Hər bir müsəlman valideyinin arzusu budur ki, saleh övlad yetişdirsin. Bununçün isə vacib olan övlada üşaq çağından dini bilikləri aşılamaqdır. Nəzərinizə çatdıracağımız tədris növü uşaqların bəzi psixoloji xüsusiyyətlərini nəzərə alaraq və Peyğəmbərimizin (salləllahu əleyhi və səlləm) bəzi öyrətmə metodlarından istifadə edərək hazırlanmışdır. Bu cür dərslər sizə bəzi uşaqlarla problemə çevrilən diqqət, maraq, həvəs məsələlərində Allahın iznilə yardım edə bilər. (Qeyd: dərslər 3 yaş və yuxarı üçün nəzərdə tutulub)

Lazım olan əşyalar:
1) Bloknot
2) Qayçı
3) Yapışqan
4) Rəngli kağız
5) Yapışqan şəkillər

Övladınız bir rəng seçir siz də onu blaknotun üst qabığına lazımi ölçüdə kəsib yapışdırırsınız. Sonra onunla bir şəkil seçirsiniz. Məsələn, məscid. Və onunla belə danışırsınız: "Biz səninlə hər gün nəsə öyrənəcəyik. Əgər öyrəndiklərimizi yaxşı yadında saxlasan məscid tikə bilərik". Hər gün onunla qısa lakin vacib və faydalı bir məlumat öyrənirsiniz. (Qeyd: mütləq şəhadət kəliməsi və onun mənasından başlayın). Fərz edək ki, sizin övladınız dünən öyrəndiyi dərsi sizə bugün yaxşı cavab verdi. Rəngli kağızdan məscidin binasını kəsib bloknotun üst qabığına yapışdırırsınız. Və mütləq ona başa salırsınız: bügün sən dərsini yaxşı öyrəndiyin üçün biz məscidin binasını yapışdırdıq. Sabah da yaxşı öyrənsən, məscidin pəncərəsini yapışdıracağıq. Və beləliklə hər gün dəvam edin. Adətən uşaqlar oyun formasında keçən dərsləri sevir, maraqla məşqul olurlar. Lakin bəziləri bir şeydən çox tez bezir. Buna görə də təkcə məscid deyil, başqa balaca mükafatlar da hazırlayın. Məsələn,yapışqan şəkillər alın və hansısa bir zikri yaxşı öyrəndikdə onu dəftərin bir səhifəsinı yapışdırın. (Qeyd: çox balaca şəkil olmasın. Ortda ölçüdə, gözə çarpacaq bir şey. Ən əsası isə surətsiz olsun. Canlı şəkilləri vasitəsi ilə övladınızı harama öyrəşdirməyin. "Ey iman gətirənlər! Özünüzü və ailənizi yanacağı insanlar və daşlar olan oddan qoruyun!" (Təhrim, 6)) Həvəsləndirmək üçün bundan daha da böyük hədiyyələr verə bilərsiniz. Məsələn, dəstəmazı öyrənibsə balaca bir dəsmal, misvak; namazı öyrənibsə namaz xalçası və s. Tədris zamanı uşağa verilən bu hədiyyələrdə bir qəbahət yoxdur. Əksinə, bu onu daha da həvəsləndirir. Lakin çox hədiyyə verib onu pis öyrəşdirmək də olmaz. Dİnimizdə hər bir 

məsələdə olduğu kimi, burada da orta mövqe tutmaq lazımdır. Həftənin sonunda öyrəndiklərinizi təkrar edin, yeni dərs götürməyin. Həmin gün uşağı gəzməyə çıxarmağınız da yaxşı olar. Lakin hədiyyə kimi deyil, istirahət kimi. Ümumiyyətlə dini bilgilərin çoxunu ərəbcə olduğunu nəzərə alaraq, daima övladınızla təkrar edin. Bunu "Gəl təkrar edək" şəklində yox (o bundan bezə bilər), nəyisə xatırlatmaqla, soruşmaqla etmək olar. Məsələn, asqıranda edilən zikri keçmisiniz. Kimsə asqırıb "əlhəmdulilləh" desə, siz uşağa "Balam, nə demək lazımdır?" deyə müraciət edin. Əgər yadında deyilsə yadına salın. Hətta qulağına pıçıldaya bilərsiniz ki, sonra o həmin asqıran insana bunu desin. Əgər bu cür dəvam etsəniz, qısa müddət ərzində övladınızın bir çox şeyi əzbərlədiyinin şahidi ola bilərsiniz inşəAllah.

Vacib qeydlər:

1) Dərslər üçün rahat bir vaxt seçin. Özünüzün də, uşağın da yorğun olmadığı, fikrin başqa yerdə olmadığı bir vaxt. Adətən bunun üçün səhərlər daha uyğun olur.
2) Bəzən ola bilər ki, uşaq oxumaq istəməsin. Onu zorla oxutdurmayın. Yumşaq şəkildə "Niyə istəmirsən?" deyə soruşun. Əgər səbəbi desə və həmin səbəbi ortadan qaldırmaq mümkün olsa bunu edin. Əgər səbəbi deməsə, və ya dediyi səbəblə heçnə etmək mümkün olmasa onda belə deyin: "Yaxşı, bügün biraz istirahət et, sabah keçərik inşəAllah".
3) Dərs zamanı nadincliyə və s. görə uşağı çox danlamayın. Çalışın səs tonunu dəyişməklə, bəzi sözlərdən istifadə etməklə və ya sual verməklə onun fikrini cəm edin.
4) Yorğunluq və monotonluqdan qaçmaq üçün bəzən gülməli nəsə deyin (Təbii ki, zarafatda yalan olmamaq şərti ilə). Lakin bunu çox etməyin, yoxsa dərsin ciddiliyi itər.
5) Balaca tələbənizi tərifləməyi unutmayın.
6) Dərsini pis bildiyi zaman qəzəblənməyə tələsməyin. İlk öncə bunun səbəbini öyrənin və ona kömək etməyə çalışın. Əgər səbəb tənbəllikdirsə onu biraz danlayın (çox xəfif bir şəkildə - "Belə olmaz", "Sən axı ağıllısan, sənə belə etmək yaraşmır" və s.). Əgər təkcə tərs baxışla (lakin çox sərt olmasın) ondan narazı olduğunuzu bildirə bilsəniz, bu daha yaxşı olar. Əgər tənbəllik səbəbilə oxumamaq ilk dəfə baş verirsə onda sadəcə başınızı yelləyib, və ya "vay-vay.." kimi sözlərlə bunun yaxşı olmadığını bildirin, sonra isə "Yaxşı, gəl dərsimizə dəvam edək (və ya: yaxşı, gəl yeni dərs keçək)" deyərək keçib gedin. Çünki adətən bu ilk dəfə baş verdikdə uşaq onsuzda utanır.
7) Həmçinin unutmayın, siz axı məscid tikirsiniz (məsələn). Üzürsüz səbəbdən dərsini oxumadıqda: "Gərək oxuyardın. Axı biz indi məscidin qapısını yapışdıra bilməyəcik". Uşaq "bilmərik" sözünü qadirlik mənasında başa düşüb cavabında deyə bilər ki: "Niyə? Axı yapışdıra bilərik". Bu an ona şəkli hansı şərtlə yapıştırdığınızı yadına salın, və bu zaman o " bilmərik" sözünü nə mənada işlətdiyinizi başa düşəcək Allah iznilə.
Övladınızın müvəffəqiyyəti haqda başqalarına danışın. "Nənə gəldi, gəl gedək dəftərini (və ya məscidini) nənəyə göstərək", "Sən xalaya yeni namaz xalçanı göstərdin?" (ona hədiyyə olaraq aldığınız). Ondan kiməsə öyrəndiklərində nəyisə danışmağı tələb etməyin. Adətən uşaqlar utancaq olur və bunu xoşlamır.
9) Dərs zamanı yumşaq olun. Uşaq hətta nadinclik etsə belə, dərsini yaxşı oxumasa belə qətiyyən çox sərt olmayın. Bu onda olan dərsə marağı söndürəcək. Bir tərəfdən də unutmayın ki, siz dərsi bir növ oyuna çevirmisiniz. Sərt oyun olmur.

Bundan başqa da qeydlər etmək olar, lakin vacib olan budur: ana şəfqətini və müəllimlik bacarığını özünüzdə birləşdirin, və Rəbbinizə sizi müvəffəq etməsi üçün və övladınıza dini sevdirməsi üçün dua etməyi unutmayın!

Aygül İskəndərova

Şərh əlavə et

Adın (mütləq)

E-mail (mütləqdir, ancaq göstərilməyəcək)

Yeni sərhlər barədə mənə xəbər etmək

Yeniləmək

Göndər

Cancel