Biz güman edirik ki, körpələri tanıyır və onların haqqında hər şeyi bilirik. Lakin elm adamları həmin fikirdə deyil. Onların bu sahədə apardıqları tədqiqatlar sübut edir ki, hər şeyi nəzərdən keçirmək lazımdır. Burada sual işarələri də get-gedə artır.
Qədim nəzəriyyələrə əsasən körpə, "istənilən məlumatı üzərinə yazacağın boş, ağ səhifə" kimidir. Körpələrə bir qədər fərqli nəzərlərlə baxan elm adamları həmin boş, ağ səhifə nəzəriyyəsinin səhv olduğunu sübut etməyə çalışdılar. Beləliklə, onların tədqiqatlarının heyrətamiz nəticələri aşağıdakı kimidir: Körpələr valideynlərindən başqa bir çox böyüklərə də bir neçə saniyə ərzində təsir edirlər.
Əgər onların göz bəbəklərinin bizimkilərdən böyük olduğunu görmüsünüzsə, bilin ki, bunun da bir səbəbi vardır.

Çünki o böyük gözlərlə insana baxdıqda təsir etməmələri mümkün deyil. Yəqin ki, gözlərin danışdığını eşitmisiniz... Hətta bu ifadələr körpələrə də aiddir. İnsanın göz bəbəkləri onun ruhi vəziyyətini göstərir. Bu körpələrdə də belədir. Bir şey onların xoşuna gəldiyi zaman göz bəbəkləri böyüyür. Lakin əsəbləşdiyi və ya narahat olduqları zaman isə göz bəbəkləri kiçilir.
Qədim inanclara əsasən körpələr bir o qədər də yaxşı görmürlər. Onlar böyüdükdə görmə qabiliyyətləri də artır. Dövrümüzdə isə bunun qismən səhv olduğu məlum olub.
Körpələrin eşitmə qabiliyyəti çox yüksəkdir. Hətta körpələrin görmə qabiliyyətləri də bizləri çox heyrətləndirir.
Elm adamları apardıqları tədqiqatlar nəticəsində körpələrin ana bətnində olduqları zaman bəzi səsləri eşitdikləri aydın olub.
Bununla bağlı belə deyilir: "Körpələr ana bətnində yalnız yüksək səsləri eşidirlər. Axı onlar xarici dünyadan ayrı bir dünyada yaşayırlar. Doğuş zamanı isə plasenta mayesindən müəyyən qədər orta qulağa sızır və onlar xarici aləmdə qulaqbatırıcı səsləri eşitmirlər. Körpələr onlar üçün ən mühüm səs olan ana səsini eşidirlər. Elə buna görə də insan səsinə asanlıqla vərdiş edir və onu təqlid edirlər".
Başqa maraqlı tədqiqat isə yeni dünyaya gələn körpənin qoxu ilə bağlı qeyri-adi qabiliyyətinin olmasıdır. Körpənin ana südü qoxusu olan bir yastığı təmiz yastıqdan üstün tutduğu aydın olub.
Ən maraqlısı isə odur ki, altı günlük körpə öz anasının süd qoxusunu başqalarının süd qoxusundan ayırır. Həmçinin körpələr ammonium hidroksid (sidik) kimi kəskin və pis qoxulardan diksinir, gözəl qoxular hiss etdikdə isə sevinir. Bütün bu və buna bənzər qabiliyyətlər refleks olmayıb şəxsiyyəti bildirir. Yəni bir körpə müəyyən məhdudiyyətlər daxilində fərqli davranışlara malikdir.
Körpə inkişafı psixologiyası laboratoriyasında işləyən professor Rocer Leeuverin fikrincə, körpələr "İnsanlarla münasibət sahəsində bir mütəxəssisdirlər". Gülümsəməyi necə öyrənmələri bir sirr olsa da, qətiyyətlə demək olar ki, bu çox faydalıdır. İlk dörd-beş ayı yalnız gülümsəyir, ondan sonra isə gülməyi də öyrənirlər.
Bu mövzu ilə bağlı məşhur olan başqa bir elm adamı Desmond Morris isə belə deyir: "Deməli gülümsəmək insan genlərinə həkk olunub, çünki heç bir heyvan gülümsəmir. Halbuki dünyadan xəbərsiz olan körpələr gülümsəməyi çox yaxşı bacarırlar. Üstəlik bu onlara öyrədilmədiyi halda... Belə olduğu halda düşünürəm ki, körpələr daha çox şeylər bilirlər".
Körpələr təkliyi sevmirlər. Lakin yanlarında ən çox valideynlərini istəyirlər. Belə ki, bu yerdə Montpellier Tibbi Tədqiqatlar İnstitutunun rəhbəri professor H. Montagnerin apardığı tədqiqatlar olduqca maraqlıdır. Çünki bir neçə həftəlik körpələrin öz valideynlərini tanımaları doğrudan da heyrətamizdir.
Hər bir körpə valideynini uzaqdan gördüyü zaman dərhal tanıyır. Hətta qaranlıqda da yanındakıların anası və ya atası olduğunu bilirlər.
Çünki qaranlıqda qoxu hiss edirlər. Heç nə görmədikləri və ya qoxu hiss etmədikləri zaman səslərindən valideynlərini tanıyırlar.
Həmçinin başqa bir sınaqda hər bir ananın hətta yuxuda da öz körpəsinin səsini dərhal tanıdığı məlum olub.
Professor Montagner sınaqdan belə bəhs edir: "20-yə yaxın qadından ibarət ananı böyük bir xəstəxanada yerləşdirdik. Onların körpələrini də xəstəxananın digər tərəfində yerləşdirdik. Gecələr aparılan qeydlərə əsasən qadınlar yatdıqları zaman öz körpələrinin səsini eşidib dərhal oyanırlar. Qadınların yuxu zamanı bu qədər körpə səsi arasından öz körpələrinn səsini ayırıb oyanmalarının sirrini hələ də öyrənə bilməmişik".
Həmin tanımaq mexanizminin necə işləməsi isə tam olaraq aydın deyil.
Burada bilinən yalnız İlahi rəhmətin, ana ilə körpəsi arasındakı möcüzəli şəfqət bağının olmasıdır. Körpələrdə olan bu heyrətli hallar onların bioloji formulların ifadə edilmədiyi insan ruhunu sığındırmasına gözəl dəlildir. Biz səfərə çıxdığımız zaman hazırlıq gördüyümüz kimi körpələr də həyata göndərilməmişdən əvvəl sanki lazım olan xüsusiyyətlərlə təchiz olunurlar.

Şərh əlavə et

Adın (mütləq)

E-mail (mütləqdir, ancaq göstərilməyəcək)

Yeni sərhlər barədə mənə xəbər etmək

Yeniləmək

Göndər

Cancel