Nuh əleyhissalam Adəm peyğəmbərdən əleyhissalam çox illər sonra yaşamışdır.
Nuh ə.s. ilə bir vaxtda yaşayan insanlar onu dinləmək istəmirlər. O, yalnız Allaha ibadət etməyi və yaxşılıq etməyi tövsiyə edəndə, ona fikir vermirlər.
Nuh ə.s həmin adamlara ona və ona Allah tərəfindən gələn vəhyə inanmadıqları halda, cəzalandırılacaqlarını deyir. Lakin insanlar yenə ona inanmırlar.
Onlar ona gülüb deyirlər: "Sən də bizim kimi adi adamsan. Yalnız kasıblar və zəiflər sənə inanır. Doğru söyləyirsənsə, cəzanı göstər görək! Sən ancaq bir yalançısan!"
Nuh ə.s. cavab verir: "Mən sizdən heç nə istəmirəm, kasıb və zəifləri qovan da deyiləm. Sizə xəbərdarlıq edilib və Allah istədiyi vaxt cəzanı sizin üzərinizə göndərəcək. Siz Allahı dayandıra bilməzsiniz!"
Nuh ə.s insanların belə münasibətinə həm kədərlənir, həm də hirslənir. Lakin Allah ona xəbər verir ki, o, qəm yeməməlidir. Onu daha önəmli işlər gözləyir; o, gəmi tikməlidir.
Beləliklə, Nuh əleyhissalama böyük gəmi tikmək əmr edilir. Allahın göstərişinə əsasən, o, gəminin tikintisinə başlayır. Bunu görən insanlar ona və gəmiyə ishehza edir. Nuh ə.s. isə onlara xəbərdarlıq edir: "İndi siz bizə gülürsünüz, lakin tezliklə kimin böyük cəzaya düçar olacağını biləcəksiniz!" Gəminin tikintisi başa çatdıqda, yağış yağmağa başlayır
və yerdə suların səviyyəsi artır. Allah Subhanəhu və Təalə Nuh əleyhissalama ailəsi və iman gətirmiş dostları ilə birgə gəmiyə minməyi əmr edir. Ona həmçinin bütün heyvanlardan bir erkək və bir dişi götürmək tapşırılır. Nuh ə.s. bütün əmrləri yerinə yetirir və deyir: "Allahın adı ilə biz indi üzüb getməliyik və vaxtı gələndə yenidən bura qayıdacağıq."
Su get-gedə yuxarı çıxır və bütün vadiləri doldurur. Nuh ə.s. hələ
də gəmidə olmayan oğullarından birini görür və narahatlıqla onu çağırır: "Oğlum, bizimlə gəmiyə min və kafirlərdən olma!" Lakin oğlu buna razı olmur və Nuh əleyhissalama deyir: "Mən hündür dağa dırmaşacağam və su mənə dəyməyəcək"
Nuh ə.s. çox həyəcanlanır. "Yalnız Allahı dinləyənlər xilas olur!"- deyə oğlunu səsləyir. Elə bu an böyük bir dalğa insanları yuyub aparır. Nuhun ə.s. oğlu da onların arasında olur.
Yağış uzun müddət davam edir. Su elə qalxır ki, bütün hündür dağları örtür. Nəhayət, yağış dayanır və sel bitir. Nuh ə.s. dağın bir tərəfində ailəsi, dostları və gəmidə olan heyvanlarla birgə gəmidən enir. Onlar ürəkdən Allaha minnətdarlıq edirlər, axı Allah onları xilas etmişdi!
Tərcümə etdi Fidan
© MuslimBala  

Şərh əlavə et

Adın (mütləq)

E-mail (mütləqdir, ancaq göstərilməyəcək)

Yeni sərhlər barədə mənə xəbər etmək

Yeniləmək

Göndər

Cancel