Bir dəfə bir kişi peyğəmbərimiz Muhəmməd səllallahu aleyhi vəsəlləmin yanına gəlir və deyir:

"Ya Rəsulallah, mənim pis vərdişlərim çoxdur, onlardan hansını ilk öncə tərgitməliyəm?"
"Yalan danışmağı tərgit, və həmişə doğru danış."

Kişi belə edəcəyinə söz verib evinə getdi.

Gecə kişi oğurluq etmək üçün evdən çıxmağa hazırlaşırdı. Çıxmazdan öncə o, peyğəmbərə verdiyi sözü xatırladı. "Əgər sabah peyğəmbər məndən harda olduğumu soruşsa, mən nə deyəcəm? Deyim ki, oğurluğa getmişdim? Yox, bunu deyə bilmərəm. Amma yalan da danışa bilmərəm. Düzünü danışsam, hamının məndən zəhləsi gedəcək və mənə oğru deyəcəklər. Mən oğurluğa görə cəzalandırılacam."

Kişi qərara gəldi ki, oğurluğa getməsin və bu vərdişi tərgitdi.

Növbəti gün o, çaxır içmək istəyirdi, amma öz özünə düşündü: "Əgər peyğəmbər məndən bu gün nə etdiyimi soruşsa, yalan danışa bilməyəcəm. Düzünü danışsam, hamı məndən üz döndərəcək, çünki müsəlman içki içməz."

Kişi içmək fikrindən əl çəkdi.

Beləliklə, o, hər dəfə, nəsə pis iş görmək fikrinə düşəndə, peyğəmbərə verdiyi sözü xatırlayardı. Bir - bir o bütün pis vərdişlərindən əl çəkdi, yaxşı insan və yaxşı müsəlman oldu.

Həmişə doğru danışsan Allahın sevdiyi bəndələrdən olarsan. Allahın səni sevməsi isə ən böyük mükafatdır.

Sən də söz ver! Söz ver ki, doğrudanışanlardan olacaqsan!

Şərh əlavə et

Adın (mütləq)

E-mail (mütləqdir, ancaq göstərilməyəcək)

Yeni sərhlər barədə mənə xəbər etmək

Yeniləmək

Göndər

Cancel